- Адреса и телефоны
-
224025, г. Брест, ул. Лейтенанта Рябцева, 54
- (+375 162) 50-10-26
- (+375 162) 50-08-89
- brest@mchs.gov.by
Бяроза. Каб папярэдзіць бяду
На тэрыторыі Сакалоўскага, Стрыгінскага, Пяскоўскага і Спораўскага сельсаветаў і горада Белаазёрска Бярозаўскага раёна работнікі Брэсцкага абласнога ўпраўлення МНС правялі пажарна-прафілактычныя мерапрыемствы ў домаўладаннях адзінокіх пажылых грамадзян, інвалідаў, асоб, якія злоўжываюць спіртнымі напоямі, і шматдзетных сем'яў.
Работнікі МНС звярнулі пільную ўвагу на спраўнасць пячнога ацяплення, наяўнасць негаручага матэрыяла перад топачнай адтулінай, у паддашкавым памяшканні своечасовай атынкоўкі і пабелу коміна, а таксама на спраўнасць устаноўленых аўтаномных пажарных апавяшчальнікаў.
Правялі гутаркі з жыхарамі і нагадалі ім, што выпальваць сухую расліннасць забаронена.
З пачатку года ў Бярозаўскім раёне адбылося 17 пажараў, загінулі 6 чалавек, з іх 4 дзяцей.
Паважаныя грамадзяне, у выпадку пажару тэлефануйце ў службу выратавання па тэлефонным нумарах 101 або 112.